【ICELAND ☼ 冰與火之旅】瀑布之旅 Seljalandsfoss, Skogafoss, Museum of Skógar, Vik, Reynisdrangar Laufskálavarða 水濂洞瀑布彩虹瀑布傳統草屋黑色玄武岩牙膏魚子醬

上午12:32:00 Ishiha 8 Comments

Photo of the day

今日係瀑布之旅, 補返昨日去唔到既Gullfoss黃金瀑布後, 我地出發到Seljalandsfoss. 由Gullfoss黃金瀑布到Seljalandsfoss大約需要揸車1.5hrs. 係冰島見到地方名尾部有foss就即係指瀑布. Seljalandsfoss瀑布雖然水量唔大, 留落來既水流就好似一層面紗一樣罩於山壁的前方. 而瀑布右邊有一條小路可以通到瀑布正後方凹陷的山壁. 所以Seljalandsfoss又稱為水濂洞瀑布.

我地落車既時候下著毛毛細雨, 所以我著埋件雨褸入去水濂洞. 呢個係明智既選擇.

因為入到去水濂洞, d水氣真係好勁. 加上有風, 真係吹到面同衫以及相機都濕埋. 加上入去水濂洞那條小路有一小段全是石頭, 有時真係要手腳並用先過到.

去完水濂洞瀑布Seljalandsfoss, 再出發到Skógafoss. 揸車大約25分鐘就可以到啦!! 之前睇過MITTY呢套戲的話, 就會認得出呢個瀑布.

戲入面注明Mitty係喜馬拉雅山下, 聘請了兩個堅强的男人, 走過了一座氣勢磅礴既瀑布. 其實個瀑布係冰島南部, 就係非常有名的 Skógafoss.

Skógafoss有彩虹瀑布之稱. 係好天時, 瀑布既水花係太陽照射下, 會出現一度彩虹. 係咁靚既環境下, 靈氣都多D呢!! 吉少就地做起Yoga, 可惜失敗

之後繼續開車向Vik出發, 我地一路向東走, 開始離開熱鬧既金圈啦!! 沿路景色好靚.

先到了Museum of Skógar 傳統草屋, 係Skogafoss附近, 所以我地又開車來睇睇. 不過看完沒有特別, 所以只作好短既停留.

我地下個目標就係要去 Reynisdrangar 黑色玄武岩. 不過一路開車天氣就越差, 大雨到什麼都睇唔到呢!! 之前我仲plan上去燈塔影落去黑沙灘, 也要被迫取消. 係落雨又大風既情況下, 我地都有去到黑沙灘睇玄武岩. 你睇下d浪就知幾咁大風.

我身後就係玄武岩. 根據 Wikipedia 顯示, 玄武岩係一種地下岩漿從火山中噴出或從地表裂隙中溢出凝結形成的火成岩. 沒有被風化的玄武岩是黑色或暗綠色的緻密岩石.

如果可以爬高d, 影相就會靚d. 不過應該幾辛苦.

呢度真係好大, 不過太大風大雨既關係, 我地都係離開Reynisdrangar

上車繼續開車前進. 好彩經過好出名既Vik i Myrdal Church時, 影相都冇咁大雨.

係呢個時候, 吉少就話比我個, 佢對鞋爛左

. 係咁荒蕪既1號公路上, 要找間Shop買又真係有點困難. 起初見到Vik有個Information center, 我地就走入去問邊度可以買鞋. 點知佢介紹既超市都唔見有鞋既踪影. 好彩係Víkurprjón 見到間Icewear解決到吉少既問題. 如果唔係, 聽日去行冰川唔知點算. 呢間Icewear係冰島品牌, 有自家生產工場. 呢間Icewear比大城市既專門店平d. 我地每人買左件防風外套, $500唔駛有交易. 吉少就冇法啦!! 佢係度買左對外地進口既HH防水行山鞋, 唔理幾多錢佢都要買架啦!!

襯天黑前, 我地返到去今晚既住宿Hörgsland Cottages. 我仲影埋我地架旅行車. 下面同上面張相都有影到. 泊左係Icewear門前右手邊架車就係陪左我地一個星期架車啦!

好啦!! 今晚既住宿我揀了入住Cottage, 位置好方便, 好多人都會揀住係Hofn兩晚, 不過我唔想揸返轉頭走回頭路, 所以我揀左住係kirkjubaejarklaustur. 一來由kirkjubaejarklaustur揸車去冰川都好近, 起碼聽日唔駛太趕. 二來可以慳返d油錢.

沿著1號公路係Vik揸車到kirkjubaejarklaustur,會經過一大堆石頭, 呢度叫做 Laufskálavarða. 據聞石頭係愈堆得高就愈幸運.

當然d石頭係人埋出來, 唔係自成天然

返到Cottage休息, 又到大廚為我地預備晚餐既時候啦!! 今晚我地有龍蝦餐食呢!! 其實冰島既龍蝦係好細隻, 好似大少少既蝦咁樣.

我地仲買左枝牙膏魚子醬, 呢枝醬好好味. 加落意粉度食, 即時變得高級左

今晚晚餐又係好好味!! 真係要多謝大廚煮既龍蝦餐呢!!

金圈之旅相關Blog, 可以

睇多d.

【ICELAND ☼ 冰與火之旅】冰島藍湖Blue Lagoon

【ICELAND ☼ 冰與火之旅】The Golden Circle 金圈之旅 Þingvellir National Park, Geysir, Gullfoss

【ICELAND ☼ 冰與火之旅】The Golden Circle 金圈之旅黃金瀑布 Gullfoss Héradsskólinn Boutique Hostel

行程規劃可以

睇多d.

【ICELAND ☼ 冰與火之旅】冰島行程規劃租車自駕

8 則留言:

Toby Yung2016年5月16日上午10:11
好似上GEOG 堂咁...
我好鐘意你地3個人喺Reynisdrangar張相, 好搞笑
好彩比你地買到鞋...如果唔係真係唔知點算....
回覆刪除
回覆
貓小玲2016年5月16日下午12:21
真係好彩買到鞋咋...話時話爛左鞋有冇得claim保險呢? 哈哈
你支魚子醬好似博多既明太子醬呀!
回覆刪除
回覆
Cliff YUEN2016年5月17日上午10:48
我反而好鍾意D傳統草屋呢
回覆刪除
回覆
Venus2016年5月19日下午7:13
真係好難遇到冰島嘅好天色, 唔知係咪因為咁, 所以會想去多幾次, 覺得總會遇到好天色 >.<
牙膏魚子醬係好多支牙膏裡面最好味嘅一支 ^^
回覆刪除
回覆