DAY 1: 22/10/2011
本身愛睡既我, 無論係邊度都訓得著, 所以10個鐘既機程好快就過了, 難為了小吉子.  他全程只睡了一半, 女友人仲慘, 訓得1/3.  因為我地一早已經抵達了Paris, 仲要係早上5時多.  整個機場都是人, 過關有點慢, 又要大check, 本想襯過完關後既小小黃金機會去Shopping 一番, 點知有的在裝修, 有的卻不見. 



行左一陣, 都係時候出閘.  之前我book好既apartment講好1500先可以check in, 不過我係出發前email同佢地double confirm既時候, 要求early check in.  咁佢地都好好人, 只係要求我到了機場後給他們一個電話, 方便他們派人交低鎖匙比我地入住.  我地一出機場就找airport shuttle, 只係20分鐘車程, 相比起的士, 我覺得呢程好貴呢! EUR$5.3/ppl.  因為我地3個人搭的士都係差唔多, 不過第一次來到, 都係唔好咁狼下下搭的士.  

今次我揀呢間apartment住, 係因為地點好方便,  metro站又近, 呢區又唔雜, 食0野買0野樣樣都齊, 而且airport shuttle又到.   我地約好了12:00係apartment門口等,接待我地呢位靚女叫Adina.  佢好詳細咁樣介紹barcelona有咩好玩, 附近既supermarket及食店. 我地仲問她搭metro安唔安全, 佢都話搭左咁多次, 都沒有事, 只要自己攬緊自己既荷包便可以的了.



休息左一陣, 我地梗係要見識下當地既supermarket先.  我地見到好多好多火腿, 仲買左幾pack試下, 又買左其他食物, e.g. 火腿醬.